Mercolerì dell’Autore – Giampaolo Pisu alla Monserratoteca

mercoledi’ 13 novembre 2024 ore 18.30 in Monserratoteca Via Porto Cervo 2, Monserrato

Presentazione del libro

“Imortali”
di Giampaolo Pisu
Maria Elena Mallei dialogherà con l’autore

In collaborazione con il progetto in lingua sarda “Bregùngia peruna”

Il libro: Unu grandu scientziau chi bolit agatai sa formula po s’imortalidadi, unu dotori presumiu chi a solu scoberrit unu vacinu contras a su covid, un’àteru dotori trasseri chi circat de ndi furai patzientis a is collegas, unu scritori chi bincint unu prémiu literàriu nodiu ma chi andendi a nd’arretirai su prèmiu ndi-ddi sutzedit una prus de Bertoldo… Cali est su filu chi acàpiat apari is protagonistas de custus contus? De seguru est su pensai e fueddai in sardu. Is protagonistas, in su beni e in su mali, funt personagius foras de s’ordinàriu, su prus de is bortas is contus funt irònicus e brullanus, pensaus po spreviai; contant su tempus de oi, ma no amancat cussus chi piscant in sa stòria longa cosa nosta. Is contus chi agatais in custu liburu funt s’arresurtau de unus cantu prémius literàrius, premiaus, scritus unu pagheddu po giogu e po fai biri ca sa lingua nosta esistit e cun custa si podit fintzas fai literadura! “Arratza de scoberta!” eis a nai bosàterus; sissi, làstima ca sardus meda ancora no ddu sciint, o faint finta, ca esistit una literadura manna e biatza in sa lingua insoru. Una literadura (grátzias fintzas a is prémius literàrius) atèndia de genti chi no bolit e no creit chi potzat esisti una sotziedadi sarda sena de lingua sarda. Speru chi bosi praxant e sprevint aici comenti ant spreviau a mei scriendiddus.

L’autore: GIAMPAOLO (PAULU) PISU est sardaresu e impreau pùblicu cun studius tènnicus, amantiosu de stòria e cultura sarda e ativista de su movimentu linguìsticu. Est stètiu aministradori comunali cun dèlega a su bilinguismu, presidenti de sa Consulta Cultura e Lìngua Sarda e de sa Pro Loco. Co-autori de su liburu “Imoi si ndi contu una” (arregorta de contus popularis de Sardara – Gruppo culturale Lakkaras). Ddi praxit a fai furriaduras in sardu de òperas teatralis (e no scéti): su Susuncu (l’Avaro) de Moliere, Sa Bella de Seddori (La Bella di Sanluri de Salvatore Deledda), rapresentadas ambaduas. Po sa Pro Loco at scritu su spetáculu musicali-reading “Contendi e Cantendi sa Batalla”e “Sa die de sa Sardigna” (portaus in scena cun sa regia de s’amiga Carmen Porcu). Fait parti de s’Acadèmia de su Sardu e de Spaciada sa Bregùngia. Scriit po http://www.bideas.org e sa Gazzetta del Medio Campidano.